Лк 19, 1–10
Езус увайшоў у Ерыхон і праходзіў праз яго. І вось адзін чалавек па імені
Закхей, кіраўнік мытнікаў і багаты, стараўся ўбачыць Езуса, хто Ён такі, але не
мог з-за натоўпу, таму што быў малога росту. Забегшы наперад, ён залез на
смакоўніцу, каб убачыць Яго, бо Ён павінен быў там праходзіць.
Калі Езус прыйшоў на гэтае месца, паглядзеў уверх і сказаў яму: Закхей,
хутчэй спускайся, бо сёння мне трэба быць у тваім доме.
Той хутка спусціўся і прыняў Яго з радасцю.
А ўсе, убачыўшы гэта, пачалі наракаць і казалі, што Ён зайшоў пагасціць да
грэшнага чалавека. Закхей жа ўстаў і сказаў Пану: Вось палову маёмасці сваёй,
Пане, я аддам убогім і, калі каго ў чым ашукаў, аддам у чатыры разы больш.
Езус сказаў яму: Сёння прыйшло збаўленне ў дом гэты, таму што і ён сын
Абрагама. Бо Сын Чалавечы прыйшоў знайсці і выратаваць тое, што загінула.
Хрыстос жадае прыйсці да кожнага з нас… Прагне ўвайсці ў нашыя сэрцы,
прагне ўвайсці ў нашыя сем’і, у нашае грамадзтва… для таго каб перамяніць нас,
каб мы жылі, а не існавалі…
Што я гатовы аддаць Госпаду, каб быць шчаслівым чалавекам? Ці гатовы
даверыцца Яго любові, якая не мае межаў?
Комментариев нет:
Отправить комментарий