Мц
18, 15–20
Калі паслухаецца цябе, то ты здабыў
брата свайго
У той час: Езус сказаў сваім вучням: Калі
саграшыць супраць цябе брат твой, пайдзі і дакары яго сам-насам. Калі
паслухаецца цябе, то ты здабыў брата свайго. Калі ж не паслухаецца, вазьмі з
сабою яшчэ аднаго ці дваіх, каб вуснамі двух ці трох сведкаў пацвердзілася ўсялякае
слова. Калі ж не паслухаецца іх, скажы касцёлу, а калі і касцёла не
паслухаецца, то няхай ён будзе для цябе як язычнік і мытнік. Сапраўды кажу вам:
усё, што вы звяжаце на зямлі, будзе звязана ў небе, і ўсё, што развяжаце на
зямлі, будзе развязана ў небе.
Зноў жа, сапраўды, кажу вам, што, калі
б двое з вас на зямлі згодна прасілі нейкай рэчы, то станецца ім ад Айца Майго,
які ў нябёсах. Бо, дзе двое ці трое сабраліся ў імя Маё, там Я ёсць сярод іх.
Сёння Езус вучыць нас цярплівасці ў стасунках з нашымі бліжнімі. Не спяшацца
стаць ворагам свайму брату – зрабіць першы крок насустрач. І раіць пачаць з
дыялога з тым, каго лічым крыўдзіцелем.
Часта крыўды ўзнікаюць у нашым жыцці таму, што людзі не
спрабуюць зразумець адно аднаго, не шукаюць таго, што магло б іх аб’яднаць, але
з вялікім энтузіязмам хапаюцца за ўсё, што размяжоўвае. Езус заклікае шукаць
поле еднасці: пагаварыць сам на сам. Часта, гэтага бывае дастаткова, каб “здабыць
свайго брата” -- і не толькі, каб ён усведаміў сваю памылку, але, каб і я ўбачыў
яго ўчынак іншымі вачыма.
Комментариев нет:
Отправить комментарий