23.07.2013 - свята св. Брыгіты

Ян 15, 1-8

Я — сапраўдная вінаградная лаза, а Айцец Мой — вінаградар.

Кожную галінку ўва Мне, якая не прыносіць плоду, Ён адразае, і кожную, якая дае плод,

Ён ачышчае, каб давала яшчэ больш пладоў. Вы ўжо чыстыя дзякуючы слову,  якое Я сказаў вам.

Заставайцеся ўва Мне, а Я ў вас. Як галінка не можа прынесці плоду сама з сябе, калі не застанецца ў вінаграднай лазе, так і вы, калі не будзеце ўва Мне.

Я — вінаградная лаза, вы — галіны. Хто застаецца ўва Мне, а Я ў ім, той прыносіць багаты плён, бо без Мяне нічога не можаце зрабіць.  Хто не застаецца ўва Мне, будзе выкінуты вон, як галіна, і засохне. І збіраюць іх, і кідаюць у агонь, і яны згараюць. Калі будзеце ўва Мне і словы Мае ў вас будуць, прасіце, чаго захочаце, і станецца вам. Гэтым будзе ўслаўлены Айцец Мой, калі вы прынясеце багаты плён і станеце Маімі вучнямі.

“Заставайцеся ж ува Мне, і Я ў вас [...]. Хто застаецца ўва Мне, і Я ў ім, той прыносіць багаты плён, бо без Мяне не можаце рабіць нічога.” – кажа нам сёння Хрыстос.

Праз просты, а ў той жа час вельмі прыгожымі і яскравы вобраз вінаграднай лазы і галін Збавіцель  паказвае нам таямніцу сапраўднага  духоўнага шляху.

Хрыстос заклікае да таго, каб мы “заставаліся”, “былі”, “трывалі” у Ім, у ажыўленай і хаатычнай мітусні сучаснага жыцця запрашае нас да ціхай сузірання.

Калі мы не зробім гэтага, калі не будзем усё чыніць праз Яго, для Яго і ў Ім – якія будуць плады нашага жыцця, якімі галінамі ў вінаградніку Пана мы будзем – галінамі, якія прыносяць багаты ўраджай сапраўднага жыцця, ці сухімі галінамі, якія прыдатныя для таго, каб ях выкінуць прэч?