Калі
Езус з вучнямі знаходзіўся ў Галілеі, Ён сказаў ім: Сын Чалавечы павінен быць
аддадзены ў рукі людзей, і яны заб’юць Яго, і на трэці дзень Ён уваскрэсне.
Тады яны вельмі засмуціліся.
Калі
ж яны прыбылі ў Кафарнаум, зборшчыкі падатку падышлі да Пятра і сказалі: Ці ж
ваш Настаўнік не плаціць падатку? Ён адказаў: Так. І калі ён увайшоў у дом,
Езус апярэдзіў яго і сказаў: Як табе здаецца, Сымоне, з каго бяруць мыта або
падатак зямныя каралі: са сваіх сыноў, ці з чужых?
Калі
ён адказаў: З чужых, — Езус сказаў яму: Значыць, сыны свабодныя. Але, каб мы не
сталі для іх прычынай граху, ідзі на мора, закінь вуду і вазьмі першую рыбу,
якую зловіш. Калі адкрыеш ёй рот, знойдзеш статэр. Вазьмі і аддай яго за Мяне і
за сябе.
Ісус
ніколі не заклікаў да непадпарадкавання законным уладам: рэлігійным або
свецкім. Галоўная мэта, якую мае Ісус на Сваім зямным шляху - гэта выкананне волі Айца, Яго збаўчая смерць і ўваскрасенне, пра што абвяшчаюць першыя вершы сённяшняга Евангелля.
Адначасова Хрыстос завастрае нашую ўвагу на свабодзе дзяцей Божых. «Значыць, сыны вольныя» - у адказе Збавіцеля можна
заўважыць накіраванасць да вечнага, да нябеснага, і гэта не
перашкаджае Яму клапаціцца бытавых і грамадскіх патрэбах.
“Шукайце перш
царства Божага, а астатняе дадасца вам”.
Комментариев нет:
Отправить комментарий