Да Езуса падышоў
адзін чалавек і сказаў: Настаўнік, што добрага зрабіць мне, каб мець жыццё
вечнае?
Ён адказаў яму: Чаму
пытаешся ў мяне пра дабро? Адзін ёсць Добры! Калі хочаш увайсці ў жыццё вечнае,
захоўвай запаведзі. Той кажа Яму: Якія? Езус адказаў: Не забівай, не чужалож,
не крадзі, не сведчы фальшыва, шануй бацьку і маці, любі бліжняга свайго, як
самога сябе.
Юнак кажа Яму: Усё
гэта я захоўваў, чаго яшчэ нестае мне? Езус кажа яму: Калі хочаш быць
дасканалым, ідзі, прадай маёмасць сваю і раздай бедным, і здабудзеш скарб у
нябёсах; і прыходзь ісці за Мною.
Пачуўшы сказанае,
юнак адышоў засмучаны, бо меў вялікую маёмасць.
Як быць верным Богу?
Як жыць па-сапраўднаму, а не
толькі існаваць? Адказ Хрыста – захоўвай Божыя запаведзі – Божыя дарожныя знакі
на шляху да вечнасці…
Ісці за Ім ў кожны момант сваёй жыццёвай пілігрымкі - тады мы не зможам адысці ад Хрыста
засмучаныя…
Збавіцель заклікае рабіць дабро, быць салідарнымі з іншымі людзьмі,
дзяліцца тым, што атрымаў – не для таго, каб страціць, але каб здабыць скарб,
які нельга набыць нават за мільярд даляраў ці еўра – скарб жыцця праз Бога, з
Богам і ў Богу…
Комментариев нет:
Отправить комментарий