Езус
расказаў сваім вучням гэтую прыпавесць:
Валадарства
Нябеснае падобнае да гаспадара дому, які выйшаў на світанні наняць работнікаў у
вінаграднік свой. Дамовіўшыся з работнікамі па дынару за дзень, ён паслаў іх у
вінаграднік свой.
Пасля
ён выйшаў каля трэцяй гадзіны і, убачыўшы іншых, якія стаялі на рынку без
працы, cказаў ім: Ідзіце і вы ў вінаграднік мой, і я справядліва заплачу вам.
Яны пайшлі. Зноў выйшаўшы каля шостай і дзевятай гадзіны, зрабіў тое самае.
Выйшаўшы
каля адзінаццатай гадзіны, ён знайшоў іншых, якія стаялі без працы, і сказаў
ім: Чаму вы стаіце тут цэлы дзень без працы? Яны сказалі яму: Нас ніхто не
наняў. Ён кажа ім: Ідзіце і вы ў вінаграднік.
Калі
ж настаў вечар, гаспадар вінаградніку сказаў свайму эканому: Пакліч работнікаў
і заплаці, пачаўшы з апошніх да першых. I тыя, хто прыйшоў каля адзінаццатай
гадзіны, атрымалі па дынары. Тыя, што прыйшлі першымі, думалі, што атрымаюць
больш, але яны таксама атрымалі па дынары.
Узяўшы,
яны пачалі наракаць на гаспадара дому, кажучы: Гэтыя апошнія працавалі адну
гадзіну, і ты зраўняў іх з намі, якія перанеслі цяжкі дзень і спёку. У адказ ён
сказаў аднаму з іх: Дружа, я не крыўджу цябе. Хіба не аб дынары ты дамаўляўся
са мною? Вазьмі сваё і ідзі. Я ж хачу даць гэтаму апошняму так, як і табе. Ці ж
не дазволена мне рабіць са сваім тое, што хачу? Ці вока тваё зайздросціць, што
я добры? Гэтак апошнія будуць першымі, а першыя — апошнімі.
Хрыстос заклікае нас да працы ў сваім вінаградніку, якім
з’яўляецца паўсюдная Царква… Заклікае кожнага па-асобку, у розны час, розным
чынам… Вызначае розныя заданні, выконваючы якія мы сапраўды можам прычыніцца да
ўзрастання Божага Валадарства ў наш час… І ўзнагарода адна для ўсіх – дынар жыцця
вечнага…
Прыкладам руплівага клопату аб Царкве з’яўляецца апякун
сённяшняга дня, св. Пій Х – дэвізам якога былі словы «Аднавіць усё ў Хрысце» -
які праз усё свае служэнне вылучаўся як сапраўдны душпастыр: бараніў цэласнасці
веравучэння, выступаў за тое, каб дзеці прымалі Першую святую Камунію як мага
раней, падтрымліваў часты ўдзел у Эўхарыстыі, рэфармаваў рэлігійнае жыццё
духавенства і вернікаў, паспрыяў паляпшэнню падрыхтоўкі святароў, аднавіў
грыгарыянскі харал, Рымскі Імшал, Брэвіярый і каляндар і многае іншае…
Аднавіць усё ў Хрысце – гэтыя словы вельмі актуальныя
асабліва ў наш час, калі ёсць столькі пагроз, каб не будаваць Царкву Хрыстову,
але яе нішчыць і разбураць…
Святы Пій Х, маліся за нас.
Комментариев нет:
Отправить комментарий