Мц 22, 34–40
Калі фарысеі пачулі,
што Езус прымусіў замоўкнуць садукеяў, яны сабраліся разам. І адзін з іх,
кніжнік, выпрабоўваючы Яго, спытаўся: Настаўнік, якая запаведзь найбольшая ў
Законе?
Езус сказаў яму: Любі
Пана Бога твайго ўсім сэрцам тваім, і ўсёй душой тваёй, і ўсім розумам тваім.
Гэта найбольшая і першая запаведзь. Другая ж — падобная да яе: Любі бліжняга
твайго, як самога сябе. На гэтых дзвюх запаведзях грунтуецца ўвесь Закон і
Прарокі.
Хрыстос не проста казаў аб любові – Ён паказаў як трэба любіць – тады, калі ўцелавіўся і стаў чалавекам, тады, калі навучаў і чыніў цуды, і канешне асаблівым чынам тады, калі
аддаў сваё жыцця за нас… У літургіі Царквы, асабліва ў Найсвяцейшай Ахвяры
алтара, у жывой супольнасці, у яе малітве, веруючых мы пазнаем любоў Бога,
адчуваем Яго прысутнасць і праз гэта вучымся таксама распазнаваць Яго ў нашым
штодзённым жыцці. Ён першы нас палюбіў і як першы
працягвае любіць нас; таму мы таксама можам адказаць любоўю. Бог не загадвае
нам мець пачуццё, якога мы не можам абудзіць у сабе. Ён любіць нас, Ён дазваляе
нам бачыць і адчуваць Яго любоў, і таму, што Бог “першым” нас палюбіў, любоў
можа нарадзіцца ў нас як адказ.
Комментариев нет:
Отправить комментарий