Езус прамовіў, кажучы: Гора вам, кніжнікі і фарысеі крывадушныя, бо вы
падобныя да пабеленых трунаў, якія звонку здаюцца прагожымі, але ўнутры поўныя
касцей нябожчыкаў і ўсялякай нячыстасці. Так і вы звонку здаяцеся людзям
справядлівымі, але ўнутры поўныя крывадушша і беззаконня.
Гора вам, кніжнікі і фарысеі крывадушныя, таму што ўзносіце магілы прарокам
і ўпрыгожваеце грабніцы праведнікаў, кажучы: Калі б мы жылі ў дні айцоў нашых,
то не былі б саўдзельнікамі ў праліцці крыві прарокаў. Так вы сведчыце супраць
саміх сябе, што вы сыны тых, хто забіваў прарокаў. І вы дапоўніце меру сваіх
айцоў.
“Гора вам….”Калі Ісус так строга выкрываў кніжнікаў і фарысеяў, у яго не
было намеру іх крыўдзіць, але Ён хацеў гэтымі строгімі словамі патрапіць у
«хворае месца», каб яны ўсё-ткі зразумелі і вырашылі навярнуцца.
Для таго, каб хворы мог вылечыцца, трэба паставіць дыягназ і правесці
лячэнне, інакш хвароба будзе распаўсюджвацца і гэта можа прывесці да смерці…
Разумеў гэта добра апякун сённяшняга дня св. Аўгусцін. Ён пакінуў працу і
славу знакамітага настаўніка, аддаўся разважанню і чытанню Святога Пісання.
Гэта быў яго першы крок з ямы фарысейства. Гэты святы шмат аплакваў свае грахі,
і ў кнізе «Споведзь» падрабязна апісаў свой шлях да Бога. Ён пісаў гэта, не
каб хваліцца, а падкрэсліваў, што піша перад абліччам Бога, які яго ведае шмат
лепш, чым ён сам сябе. Ён напісаў гэтую кнігу, каб паказаць сваю цемру, гнілату
і смурод, у якіх ён жыў, і вялікую Божую любоў, якая выратавала яго.
Фарысейская кіслата пагражае і нам, таму Царква сёння просіць: "Усемагутны
Бог, аднаві ў сваёй Царкве дух, якім адарыў святога Аўгусціна, біскупа, каб мы, напоўненыя
гэтым духам, прагнулі і шукалі толькі Цябе самаго, бо Ты – крыніца мудрасці і
даўца вечнай любові".
Комментариев нет:
Отправить комментарий