Калі
набліжаліся дні ўзнясення Езуса, Ён цвёрда вырашыў ісці ў Ерузалем і выслаў
пасланцоў перад сабою. Пайшоўшы, яны ўвайшлі ў самаранскую вёску, каб
падрыхтаваць Яму побыт. Але там не прынялі Яго, бо Ён накіроўваўся ў Ерузалем.
Калі
вучні Якуб і Ян убачылі гэта, сказалі: Пане, хочаш, мы скажам, каб агонь сышоў
з неба і знішчыў іх? Але Ён, павярнуўшыся да іх, забараніў ім. І пайшлі ў іншую
вёску.
Пане, хочаш, мы скажам, каб агонь сышоў з неба і знішчыў іх? - як жа часта падобныя словы гучаць у нашым жыцці: Божа, чаму Ты гэта церпіць, навошта дазваляеш гэтым наркаманам, п'яніцам, распуснікам хадзіць па зямлі? Чаму не знішчыш тых, якія праклінаюць і зневажаюць Тваё імя?...
Адказ Збавіцеля канкрэтны - Ён,
павярнуўшыся да іх, забараніў ім. Хрыстос нам забараняе адказваць злом за зло, але прапануе іншы шлях, без
сумненняў, вельмі цяжкі – шлях любові і прабачэння… Любові, якая з’яўляецца
ахвярай і трывае вечна; прабачэння і міласэрнасці, якія дазваляюць у кожным
чалавеку заўважыць Таго, Які яго стварыў…
Комментариев нет:
Отправить комментарий