Лк 10, 25–37
У
той час:
Адзін
кніжнік устаў і, выпрабоўваючы Езуса, сказаў: Настаўнік, што мне рабіць, каб
атрымаць у спадчыну жыццё вечнае? Езус адказаў яму: У Законе што напісана? Як
чытаеш?
Той
сказаў у адказ: Любі Пана Бога твайго ўсім сэрцам тваім, і ўсёю душою тваёю, і
ўсёю моцаю тваёю, і ўсім розумам тваім; і бліжняга свайго, як самога сябе. Езус
сказаў яму: Слушна ты адказаў. Так рабі і будзеш жыць.
Але
той, жадаючы апраўдацца, сказаў Езусу: А хто мой бліжні?
Адказваючы
на гэта, Езус сказаў: Адзін чалавек ішоў з Ерузалема ў Ерыхон і трапіў у рукі
разбойнікаў, якія знялі з яго адзенне, паранілі яго і пайшлі, пакінуўшы ледзь
жывога. Выпадкова нейкі святар ішоў тою дарогаю і, убачыўшы яго, прайшоў міма.
Таксама і левіт, будучы на тым месцы, падышоў, паглядзеў і прайшоў міма. А
нейкі самаранін, праязджаючы, знайшоў яго і, убачыўшы, злітаваўся. Падышоў,
перавязаў яму раны, паліваючы алеем і віном. Пасадзіў яго на сваю жывёлу,
прывёз у заезд і паклапаціўся пра яго. А на другі дзень, ад’язджаючы, дастаў два дынары, даў
карчмару і сказаў яму: Паклапаціся пра яго. І як патраціш больш, я аддам табе,
калі вярнуся. Хто з гэтых трох, на тваю думку, быў бліжнім таму, хто трапіў у
рукі разбойніка?
Ён
сказаў: Той, хто паступіў з ім міласэрна. Тады Езус сказаў яму: Ідзі і ты рабі
таксама.
Шмне рабіць, каб атрымаць у
спадчыну жыццё вечнае? – гэтае пытанне я павінен задаваць у сваім жыцці штодзённа…
Што рабіць, каб не змарнаваць сваё жыццё, каб пражыць яго як чалавек, а не
нейкая бліжэй неакрэсленая істота, якой дастаткова набіць страўнік ежай?…
Шукаць адказу на падобныя пытанні вучыць нас менавіта Найсвяцейшая Дзева,
якая разважала Божыя справы ў сваім сэрцы і давярала Госпаду ў кожны момант
жыцця…
Комментариев нет:
Отправить комментарий