17 снежня 2013 - звычайны дзень Адвенту

Мц 1, 1–17

Радаслоўе Езуса Хрыста, сына Давіда, сына Абрагама.

Абрагам быў бацькам Ісаака; Ісаак — бацькам Якуба; Якуб — бацькам Юды і ягоных братоў; Юда быў бацькам Фарэса і Зары, маці якіх была Тамар. Фарэс быў бацькам Эзрома; Эзром — бацькам Арама, Арам — бацькам Амінадаба; Амінадаб — бацькам Наасона; Наасон — бацькам Сальмона; Сальмон — бацькам Бааза, а маці была Рахаб. Бааз быў бацькам Абэда, а маці была Рут. Абэд быў бацькам Есэя, а Есэй быў бацькам караля Давіда.

Давід быў бацькам Саламона, а маці ягоная была ранейшая жонка Урыі. Саламон быў бацькам Рабаама; Рабаам — бацькам Абія; Абій — бацькам Асы; Аса — бацькам Язафата; Язафат — бацькам Ярама; Ярам — бацькам Осіі; Осія — бацькам Яатама; Яатам — бацькам Ахаза; Ахаз — бацькам Эзэхіі; Эзэхія — бацькам Манасэса; Манасэс — бацькам Амона; Амон — бацькам Ёсіі; Ёсія — бацькам Ехоніі і ягоных братоў падчас вавілонскага перасялення.

А пасля вавілонскага перасялення Ехонія быў бацькам Салятыэля; Салятыэль — бацькам Зарабабэля; Зарабабэль — бацькам Абіюда; Абіюд — бацькам Эліяхіма; Эліяхім — бацькам Азора; Азор — бацькам Садока; Садок — бацькам Ахіма; Ахім — бацькам Эліюда; Эліюд — бацькам Элеазара; Элеазар — бацькам Маттана; Маттан — бацькам Якуба; Якуб — бацькам Юзафа, мужа Марыі, ад якой нарадзіўся Езус, званы Хрыстом.

А ўсіх пакаленняў ад Абрагама да Давіда — чатырнаццаць, ад Давіда да вавілонскага перасялення — чатырнаццаць, і ад вавілонскага перасялення да Хрыста — чатырнаццаць пакаленняў.

Якуб быў бацькам Язэпа, мужа Марыі, ад якой нарадзіўся Ісус, званы Хрыстом… Генеалогіі, “кнігі паходжання” мелі вялікае ролю ў часы Хрыста ў яўрэйскім грамадзтве. У ерусалімскай Святыні захоўваліся адмысловыя табліцы, якія пацвярджалі верагоднасць паходжання святароў і левітаў, а таксама дапамагалі ў выяўленні сужэнстваў, якія запэўнівалі чыстасць святарскага стану.

Усе яўрэі ведалі сваё паходжанне. А мы, людзі ХХІ ст.? Ці памятаем, адкуль мы? Ці ведаем гісторыю сваіх сем’яў, свайго грамадзтва?

Евангеліст надае генеалагічнаму дрэву Хрыста незвычайную форму: яно складаецца з трох частак па чатырнаццаць пакаленняў (3 – сімвал дасканаласці; 14 – сімвал аздараўлення і перамены).

Нараджэнне Збавіцеля вызваліла чалавецтва ад яго падзелу і прынесла мір. Уваходзячы ў свет чалавека, Госпад аздараўляе гістарыю чалавецтва, якая часта была гісторыяй няшчасця і бяды…