Мц 14, 1–12
Ірад
паслаў адсячы галаву Яну
У
той час Тэтрарх Ірад пачуў пагалоску пра Езуса і сказаў слугам сваім: Гэта Ян
Хрысціцель. Ён уваскрос з мёртвых, і пагэтаму цуды здзяйсняюцца ім.
Ірад
жа схапіў Яна, зняволіў яго і кінуў у вязніцу з-за Ірадыяды, жонкі ягонага
брата Філіпа. Бо Ян казаў яму: Не дазволена табе мець яе. І хацеў забіць яго,
але баяўся народа, які лічыў яго прарокам.
Калі
былі народзіны Ірада, дачка Ірадыяды танцавала перад сабранымі і спадабалася
Іраду. Таму ён клятваю паабяцаў даць ёй усё, чаго толькі папросіць. І яна,
падвучаная сваёю маці, сказала: Дай мне галаву Яна Хрысціцеля на місе. Кароль
засмуціўся, але дзеля клятвы і тых, хто быў з ім за сталом, загадаў даць. І
паслаў у вязніцу адсячы галаву Яну. І прынеслі галаву яго на місе, і далі
дзяўчыне, а яна занесла сваёй маці.
Тады
ягоныя вучні прыйшлі, забралі цела і пахавалі яго. Потым пайшлі расказаць
Езусу.
Ірад вельмі баяўся Ісуса… Баяўся, бо меркаваў, што гэта Ян Хрысціцель
уваскрос – той, каго ён паважаў, слухаў яго слоў; той, каго ён загадаў забіць,
бо перашкаджаў яму жыць у граху….
Сучасны чалавек таксама вельмі часта баіцца Хрыста… Баіцца, што Ён будзе
перашкаджаць сям’і, кар’еры, грамадскаму меркаванню…
“Цяпер папраўце свае шляхі і свае ўчынкі, слухайце голас Госпада Бога вашага” –
калі так учынім, перастанем быць Ірадамі ХХІ стагоддзя, але зможам стаць на
шлях Божай Праўды, шлях сапраўднага хрысціянскага жыцця… І тады мы, як і Ян Хрысціцель, зможам належным даваць сведчанне...
Комментариев нет:
Отправить комментарий