11.08.2014 - успамін св. Клары, панны

Мц 19, 27–29

Вы, якія пайшлі за Мною, у сто разоў больш атрымаеце

У той час: Пётр сказаў Езусу ў адказ: Вось мы пакінулі ўсё і пайшлі за Табою. Дык што мы атрымаем? А Езус сказаў ім: Сапраўды кажу вам, што ў новым стварэнні, калі Сын Чалавечы сядзе на троне славы сваёй, таксама вы, якія пайшлі за Мною, сядзеце на дванаццаці тронах, каб судзіць дванаццаць плямён Ізраэля. І кожны, хто дзеля Майго імя пакінуў дамы, ці братоў, ці сясцёр, ці айцоў, ці маці, ці дзяцей, ці землі, здабудзе ў сто разоў больш і атрымае ў спадчыну жыццё вечнае.

“…Вось мы пакінулі ўсё і пайшлі за Табою. Дык што мы атрымаем?”—сёння  часта гучыць такое пытанне. А  найбольш кемлівыя яшчэ і прачытаюць так: “Нічога асаблівага не чакайце – ўсё лепшае дастанецца Апосталам…” Дык ці варта “пакінуць усё”? Усё адно першым не будзеш…

...Дзівак-чалавек! Нашто табе трон у Валадарстве Нябесным,  калі  тут, на зямлі, ты не ведаеш, як справіцца з уласным жыццём? Нашто табе ўлада над дванаццаццю плямёнамі Ізраэля? Няўжо ты і сапраўды хацеў бы іх судзіць?! 
Ды й не дойдзе справа "да суда", калі, увогуле, страціш шанс пераступіць парог Божага Валадарства...