Мц
19, 23–30
Лягчэй вярблюду прайсці праз
ігольнае вушка, чым багатаму ўвайсці ў Валадарства Божае
У той час Езус сказаў сваім
вучням: Сапраўды кажу вам: цяжка багатаму ўвайсці ў Валадарства Нябеснае. І
яшчэ кажу вам: Лягчэй вярблюду прайсці праз ігольнае вушка, чым багатаму
ўвайсці ў Валадарства Божае.
Пачуўшы гэта, вучні вельмі здзівіліся
і сказалі: Дык хто ж можа быць збаўлены?
Паглядзеўшы, Езус сказаў ім: У
людзей гэта немагчыма, а ў Бога ўсё магчыма.
Тады Пётр сказаў Яму ў адказ:
Вось мы пакінулі ўсё і пайшлі за Табою. Дык што мы атрымаем? А Езус сказаў ім:
Сапраўды кажу вам, што ў новым стварэнні, калі Сын Чалавечы сядзе на троне
славы сваёй, таксама вы, якія пайшлі за Мною, сядзеце на дванаццаці тронах, каб
судзіць дванаццаць плямён Ізраэля. І кожны, хто дзеля Майго імя пакінуў дамы,
ці братоў, ці сясцёр, ці айцоў, ці маці, ці дзяцей, ці землі, здабудзе ў сто
разоў больш і атрымае ў спадчыну жыццё вечнае. І шмат першых стане апошнімі, і
апошніх — першымі.
Дык што мы атрымаем? – гэтыя словы св. Пятра мы паўтараем
мімавольна штодзённа… Ці атрымаем жыццё без цяжкасцей, праблем? Ці будзе кар’ерны
ўзрост, здароўе, поспех?...
Пайсці за Хрыстом – не азначае жыццё ў ружовых акулярах,
як гэта можа часта здарацца ў нас… Пайсці за Госпадам – гэта значыць узяць
крыж, а нават боль штодзённага змагання за самую вялікую каштоўнасць – жыццё вечнае,
якое толькі Ён можа нам даць…
Комментариев нет:
Отправить комментарий