Лк 8, 19–21
Маці Мая і браты Мае
— гэта тыя, хто слухае слова Божае і выконвае яго
У той час: Прыйшлі да Езуса Маці Ягоная і браты
Ягоныя. І не маглі наблізіцца да Яго з-за натоўпу. І паведамілі Яму: Маці Твая
і браты Твае стаяць звонку, жадаючы ўбачыць Цябе.
Ён сказаў ім у адказ:
Маці Мая і браты Мае — гэта тыя, хто слухае слова Божае і выконвае яго.
“Маці Мая і браты Мае — гэта тыя, хто
слухае слова Божае і выконвае яго.” Гэтыя словы сказаны Хрыстом не для таго, каб “апраўдацца”,
чаму Ён не спяшаецца выйсці да сваёй бліжэйшай радні. І зусім не азначае, што
Ён не шануе сваю Маці. Гэтыя словы – падказка тым, хто хоча ўвайсці ў кола Яго
блізкіх.
Езус сведчыць, што
не абавязкова мець кроўнае радство, каб быць роднымі. Куды важней мець роднасць
духа. Бо і ў адной сям’і, часам, могуць суіснаваць побач абсалютна чужыя людзі.
Атрыманы Хрост дае
нам права называцца Божымі дзецьмі, але каб сапраўды імі быць – не самазванцамі
з пасведчаннем, а братамі і сёстрамі ў Хрысце – гэтага мала. Патрэбна яшчэ
праяўленне нашай добрай волі і шчырая паслухмянасць Богу, якога называем сваім
Айцом.
Комментариев нет:
Отправить комментарий