Мц 21, 28–32
Мытнікі
і распусніцы наперадзе вас ідуць у Валадарства Божае
У
той час Езус сказаў першасвятарам і старэйшынам народу: Як вам здаецца? У
аднаго чалавека былі два сыны. Прыйшоўшы да першага, ён сказаў: Сыне, ідзі і
працуй сёння ў вінаградніку. Але той адказаў: Не хачу! А пасля, апамятаўшыся,
пайшоў. Тады ён падышоў да другога і сказаў тое самае. Той жа сказаў у адказ:
Ужо іду, спадару. І не пайшоў. Каторы з двух выканаў волю бацькі? Кажуць Яму: Першы.
Тады
Езус кажа ім: Сапраўды кажу вам, што мытнікі і распусніцы наперадзе вас ідуць у
Валадарства Божае. Бо прыйшоў да вас Ян шляхам справядлівасці, і вы не паверылі
яму. А мытнікі і распусніцы паверылі яму. Вы ж, убачыўшы, не апамяталіся пасля,
каб паверыць яму.
“Не хачу! Не буду!” – як часта менавіта гэтымі словамі карыстаюся ў сваім
жыцці…
Як жа пазбавіцца гэтых моўных паразітаў? – адказ даволі просты – праца…
Вельмі часта звязаная са стомай, часам нават неўдзячная. Праца – яна перамагае
ляноту… Дазваляе апамятацца і пастарацца распазнаць і выканаць волю Госпада…
Комментариев нет:
Отправить комментарий