Ян 1, 47–51
Убачыце
анёлаў Божых, якія ўзыходзяць і сыходзяць на Сына Чалавечага
У
той час Езус, убачыўшы Натанаэля, які ішоў да Яго, сказаў пра яго: Вось
сапраўдны ізраільцянін, у якім няма падману.
Натанаэль
сказаў Яму: Адкуль Ты ведаеш мяне?
Езус
сказаў яму ў адказ: Перш чым Філіп паклікаў цябе, Я бачыў цябе, калі ты быў пад
смакоўніцаю.
Адказаў
Яму Натанаэль: Раббі, Ты Сын Божы! Ты Валадар Ізраэля!
Езус
сказаў яму ў адказ: Ці ты верыш, таму што Я сказаў табе, што бачыў цябе пад смакоўніцаю?
Убачыш больш за гэта.
І
кажа яму: Сапраўды, сапраўды кажу вам: убачыце неба расчыненае і анёлаў Божых,
якія ўзыходзяць і сыходзяць на Сына Чалавечага.
Адкуль Ты ведаеш мяне? –
пытаецца Натанаэль Хрыста.
Ён здзіўлены і разгублены…
Я бачыў Цябе… - адказвае Госпад.
Бог бачыць нас! Бачыць нас у кожнай нашай жыццёвай сітуацыі. Бачыць, калі
мы паступаем сумленна, і тады, калі спрабуем нейкім чынам схалтурыць…
Бог ведае нас – наш боль, нашыя змаганні, цярпенні… Ён паказвае, як трэба
іх зносіць…
Сустрэча са Збавіцелям кардынальна змяніла жыццё Натанаэля – ён пайшоў за
Ім, ён адказаў “Так” на Яго заклік… Натанаэль – “Божы дар” – стаўся сапраўдным
Божым дарам для нас – прыкладам поўнай адданасці Хрысту.
Гэта магчыма і ў нашым жыцці… Важна толькі не адкладваць дадзенана спаткання.
Комментариев нет:
Отправить комментарий